www.melkekvoter.no

I Jordbruksoppgjøret 2008 vart avtalepartene einige om å innføre høve til kvoteleige. Regelverket for kvoteleige er forskriftsfesta i forskrift 07.01.2003 nr. 14 om kvoteordningen for melk.

Kort om regelverket

Det er kun eigar av landbrukseigedom med kvote som kan leige ut kvote. Dersom eigedomen er forpakta bort må forpaktaren samtykke i leigeforholdet. Kvote kan berre leigast ut til eigarar av landbrukseigedomar som har kvote frå før av.

• Utleigar må minimum leige ut 10 000 liter kumjølkkvote, eller 2 000 liter geitmjølkkvote til kvar leigetakar
• Eigar av landbrukseigedom kan ikkje vere utleigar og leigetakar samtidig
• Eigar av landbrukseigedom som inngår i samdrift kan ikkje vere utleigar, eller leigetakar av kvote
• Leigd kvote kan takast i bruk frå og med påfølgjande kvoteår
• Leigeperioden må avtalast for minimum fem kvoteår.

Dersom utleigar og leigetakar ønskjer å avslutte leigeforholdet før det har gått fem kvoteår, er dette mogleg så lenge partane er einige om dette. Avtalefridomen tilseier også at det er høve til klausular om oppseiing og heving av kvoteleigeavtalen mellom utleigar og leigetakar, på same måte som ved eit kvart anna leigeforhold. Statens landbruksforvaltning vil likevel presisere at høve for oppseiing og heving av leigeavtalen er eit privatrettslig forhold mellom dei to partane i leigeforholdet. Statens landbruksforvaltning skal ikkje ta stilling til kontraktsrettslige tvistar mellom utleigar og leigetakar.

I § 15 første ledd nr. 5 kjem det uttrykkelig fram at so lenge eigar av ein landbrukseigedom er i eit leigeforhold i medhald av § 10 er han avskåren frå å selge kvoten, uavhengig av om han er utleigar eller leigetakar.

Korleis søkjer ein?

For at leigeforholdet skal få verknad frå påfølgjande kvoteår må søknad om leige vere sendt innan 1.oktober for kumjølkkvote. Kvoten leigast ut dersom det har vore to år med samanhengande leveranse innanfor kvote, jf. § 4, frå landbrukseigedomen i løpet av dei tre siste åra.

Det kan søkast elektronisk via Altinn (tilrådd).